ХЪУСТЫЛ ÆРУАЙЫН

тж. ХЪУСТЫЛ ÆРЦÆУЫН

Бæлвырд чи нæма у, ахæм исты фехъусын, искæй ныхæстæй бамбарын.

Æлдæртты сусæгвæнд дæр бынтон сусæггагæй кæм баззадаид æмæ Антъоны хъустыл дæр куыд нæ 'руадаид? (Букуылты А. Зарæг баззад цæргæйæ.)

– Мæдинæ, дæумæ æрбацыдтæн, цыдæртæ мæ хъустыл æрцыд æмæ... (ВЮО. 1992, 1.)

Исахъы хъустыл æрцыд: чидæр Иры хæцæг фæсивæдæй гуырдзиаг усæн йæ фæткъуытæ байста! (Нафи, Сосо бадзуры.)

Дубалон: Фæлæ æнæуый мæ хъусты æруад... сылгоймаг, дам, нæлгоймæгты æмсæр у. (Беджызаты Ч. Чи кæй?)

Цыма йæ Гуырдзыстонмæ аластой афтæ æрцыд мæ хъустыл. (Дзесты К. Зæрдæйы ностæ.)

Тæтæрхъан: Мæ хъустыл æрцыд, ныр та нæм уыдон (Иналатæ) æрвитынц минæвары. (Брытъиаты Е. Дыууæ хойы.)